12.12.2019

Книжное Обозрение

Էրիխ Մարիա Ռեմարկ, «Արեւմտյան ճակատում նորություն չկա»

Звезда не активнаЗвезда не активнаЗвезда не активнаЗвезда не активнаЗвезда не активна
 

Էրիխ Մարիա Ռեմարկ, «Արեւմտյան ճակատում նորություն չկա», վեպ, թարգմանությունը գերմ.՝ Վանուհի Բաղմանյանի, «Էդիթ Պրինտ», 2018թ.

Գերմանացի աշխարհահռչակ գրողի՝ պատերազմի մասին պատմող երբեւէ ստեղծված գրքերից ամենավաճառվածն է, որն, ի դեպ, նացիստական Գերմանիայում արգելված գրականության ցանկում է եղել: Ստեղծագործության հերոսները գերմանացի զինվորներ են, գործողությունները ծավալվում են Առաջին համաշխարհային պատերազմի տարիներին:

Գրքում ականատեսի սուր հայացքով ներկայացված են պատերազմող զինվորիների ապրումները, կյանքը, հոգեվիճակը եւ մտորումները:

Վեպը եզակի է թեմաների բազմաշերտությամբ՝ կան արտաքին եւ ներքին թեմաներ: Այն ամբողջությամբ Առաջին աշխարհամարտի մասնակից Պաուլ Բոյմերի ապրումներն են‚ տպավորությունները‚ զգացմունքները‚ պատերազմի մասնակցի աչքով տեսածի‚ մաշկով զգացածի ու ականջով լսածի՝ երբեմն սահմռկեցուցիչ‚ երբեմն հաճելի ու սրտամոտ դիպվածները: Վեպում արտառոց‚ գերշոշափելի պատկերավորությամբ ձգվում են պատերազմի տարիները, հերոսների կյանքը՝ ռազմաճակատի, բարաքների‚ հիվանդանոցի ու տան միջեւ: Այս թեմային՝ ռազմաճակատի ու տան հակադրության համատեքստում, զուգորդվում է արտաքին մյուս թեման՝ զինվորի եւ նրա համադասարանցի զինակիցների՝ կյանքին ու պատերազմին պատրաստ լինել-չլինելու ցավագին խնդիրը: