20.08.2019

Книжное Обозрение

Մարկ Արեն, «Քառյակը»

Звезда не активнаЗвезда не активнаЗвезда не активнаЗвезда не активнаЗвезда не активна
 

Մարկ Արեն, «Քառյակը», վեպ, «Բուկինիստ», 2019թ.

Գիրքը նվիրված է երեք ընկերների, որոնք ծնվել են Երեւանում՝ 80-ականներին: Պատմությունն սկսվում է այն ժամանակ, երբ ընկերները տակավին 6-7 տարեկան էին: Սովորում էին դպրոցում, հետո սկսվում է պատերազմը, հետո խաղաղություն է տիրում: Ո՛չ պատերազմը, ո՛չ խաղաղությունը չեն խանգարում նրանց ընկերությանը: Եռյակին է միանում ազգությամբ ռուս չորրորդ ընկերը:

«Քառյակի» հերոսները՝ երեւանցիներ Խաչատուրը, Տիգրանը, Արտեմը եւ մոսկվացի Անդրեյը, մասնակցում են Սպիտակի երկրաշարժի հետեւանքների վերացմանը, մարտնչում հանուն Արցախի ազատագրության, այնուհետեւ՝ համեմատաբար խաղաղ պայմաններում, պայքարում ավազակախմբի դեմ Մոսկվայում ու մերձմոսկովյան շրջաններում՝ հանուն ադրբեջանցի երեխայի եւ իրենց ընկեր Անդրեյի փրկության: Այս գրքի հիման վրա է նկարահանվել «Հանդիպման վայր» բազմասերիանոց ֆիլմը:

Գրքի հերոսներից շատերի հետ կատարվածն իրական պատմություններ են: Հավելենք, որ Մարկ Արենը (իսկական անունը՝ Կարեն Մարգարյան) արդի հայ արձակի ճանաչված դեմքերից է: