Երեքշաբթի, Հուլիսի 14, 2020

Գրքի մեկնություն

Քրիս ՄըքՔորմիկ, «THE GIMMICKS»

անգործուն աստղանգործուն աստղանգործուն աստղանգործուն աստղանգործուն աստղ
 

Քրիս ՄըքՔորմիկ, «THE GIMMICKS» (թարգմանաբար` հնարքներ), վեպ, 2020թ․

Խա՞ղ նախապես գրված սցենարով, թե՞ իրական ինքնություն. յուրաքաչյուր անձի ներսում գծված այս սահմանը կալիֆորնիացի երիտասարդ գրող Քրիս ՄըքՔորմիկի նոր գրքի առանցքում է:

Մարդկային փոխհարաբերությունների, արդարության ձգտման ու ցավի թողած ազդեցության մասին The Gimmicks-ը վերնագրի ընտրության յուրահատուկ պատմություն ունի, նաեւ` անդրադարձ Հայոց ցեղասպանությանն ու դրա մեկդարյա ժխտման հետեւանքներին եւ ի վերջո` հավակնություն դառնալու բեսթսելեր: «Իմ վեպում ես ավելի քիչ կենտրոնացել եմ բուն Ցեղասպանության վրա, եւ ավելի շատ Թուրքիայի ժխտողականության պայմաններում արդեն մի քանի սերունդ Ցեղասպանության հոգեբանական եւ էմոցիոնալ ազդեցության վրա»,- «Արմենպրես»-ի հետ զրույցում ասել է հեղինակը:

Քրիս ՄըքՔորմիկը, որի մայրը հայուհի է, իսկ մեծ պապիկը Հայոց ցեղասպանության տարիներին ականատես է եղել հոր սպանությանը, իր նոր ստեղծագործությամբ աշխարհին պատմել է, թե ինչ է լինում ցավի հետ, որը սերունդներով մնում է չճանաչված: Վեպի գլխավոր հերոսները` Ավոն, Մինան եւ Ռուբենը, մեծանում են միասին Խորհրդային Հայաստանում 1970-ականներին, բայց նրանցից յուրաքանչյուրն արդարության վերաբերյալ շատ տարբեր գաղափարներ ունի: Պատմությունը նրանց տանում է ամբողջ աշխարհով, նրանք փորձում են հավասարակշռել անցյալը ապագայի հետ:

Երիտասարդ գրողի գիրքը հայտնվել է ամերիկյան շատ գրախանութներում, կարճ ժամանակում գրավել լրատվամիջոցների ուշադրությունը, տեղ գտել  The New York Times-ի առաջարկվող գրքերի շարքում:

Ռազմավարական եւ ազգային հետազոտությունների հայկական կենտրոն

ՀՀ, Երևան 0033, Երզնկյան 75

Հեռ.՝

+374 10 528780 / 274818

Էլ. փոստ՝

info@acnis.am

Վեբկայք՝

www.acnis.am

Հոդվածագիրների տեսակետները կարող են չհամընկնել ՌԱՀՀԿ դիրքորոշումներին:

Արտատպման դեպքում հղումը «ACNIS ReView. Հայացք Երեւանից» օնլայն-հանդեսին պարտադիր է: