Չորեքշաբթի, Ապրիլի 17, 2024

Գրքի մեկնություն

Նիկոս Խրիսոս «Նոր օր»

անգործուն աստղանգործուն աստղանգործուն աստղանգործուն աստղանգործուն աստղ
 

Նիկոս Խրիսոս, «Նոր օր», գեղարվեստական արձակ, թարգմանությունը՝ Շուշան Մարուքի, 672 էջ, Newmag հրատարակչություն, 2023թ.:

Դեկտեմբերյան մի գիշեր նավահանգստի մութ անկյուններից մեկում երեք տղամարդ ողջ-ողջ այրում են Սեբաստիանին, որը թափառական գուշակի համբավ ուներ… Երեք հանցագործների մեջ ամենաերիտասարդ՝ Պողոսը, իրենց հանցանքի դաժանությունից ցնցված, սկսում է զոհի մասին տեղեկություններ փնտրել։ Նա հույս ունի, որ այդկերպ կքավի իր մեղքը, եւ հավատում է, որ սպանվածի կենսագրությունն ի մի բերելով՝ կվերակենդանացնի նաեւ նրան։

Պողոսը գտնում է Սեբաստիանի հիմնական ուղեկիցներին եւ խնդրում պատմել իրենց առաջնորդի մասին… Ամեն մեկն ունի իր պատմությունն ու գաղտնիքները, յուրաքանչյուրի պատմության մեջ մի մութ անկյուն է մնում, ու Սեբաստիանի կերպարն ավելի միֆական է դառնում։ Վեպը գեղարվեստական է, բայց հեղինակը բարձրացնում է իրական խնդիրներ, ցույց տալիս անտուն մարդկանց առօրյան՝ օգտագործելով նաեւ իրական փաստեր ու մեջբերումներ լրատվականներից, ոստիկանության քրոնիկոնից։

Գլխավոր հերոսներից մեկին՝ Սեբաստիանին ողջ-ողջ այրում են։ Այդ դեպքն իրական է։ Անտունները քնում են անձրեւի տակ, ուտում են աղբաման նետված մնացորդները: Ամենահաճելի ու երջանիկ պահերին էլ, մարդկանց աչքից հեռու, վայելում են իրենց մեկ գավաթ գինին ու տաք սուրճը, որը հյուրասիրում են անցորդները կամ սրճարանների տերերը։ Հույն հեղինակը ցույց է տալիս, թե ինչպես է փողոցը սպանում ամեն ինչ՝ հոգին, մարմինը, միտքը։

Ռազմավարական եւ ազգային հետազոտությունների հայկական կենտրոն

ՀՀ, Երևան 0033, Երզնկյան 75

Հեռ.՝

+374 10 528780 / 274818

Էլ. փոստ՝

info@acnis.am

Վեբկայք՝

www.acnis.am

Հոդվածագիրների տեսակետները կարող են չհամընկնել ՌԱՀՀԿ դիրքորոշումներին:

Արտատպման դեպքում հղումը «ACNIS ReView. Հայացք Երեւանից» օնլայն-հանդեսին պարտադիր է: