Անյես Մարտեն-Լյուգան, «Երջանիկները ընթերցում են եւ սրճում», սիրավեպ, թարգմ.՝ Հասմիկ Առաքելյանի, 208 էջ, «ՆյուՄեգ», 2023թ.:
Այս պատմությունը անտարբեր չի թողնի սիրային դրաման նախընտրողներին: 30-ամյա Դիանան դժբախտ պատահարի հետեւանքով կորցնում է ամուսնուն եւ քառամյա դստերը:
Երջանիկներն ընթերցում են եւ սրճում» անունով գրական սրճարան ունեցող կնոջ համար կյանքը նույն պահին վերջանում է: Ինչպես հաղթահարել վիշտը, երբ ապրելու փոխարեն երազում ես մեռնել: Հոգեբան Անյես Մարտեն-Լյուգանն այս վեպը գրելիս գործի է դրել իր մասնագիտական բոլոր հմտություններն ու ներթափանցել իր ստեղծած կերպարի հոգեվիճակի մեջ` ներկայացնելով փխրուն կնոջ ապրումների բոլոր երանգները:
Բաժին հասած ողբերգությունը վերապրելու եւ ուժ վերագտնելու հետքերով Լյուգանի հերոսուհին ուղեւորվում է Մալարանի անունով իռլանդական խուլ գյուղ, որտեղ էլ զարգանում են վեպի իրադարձությունները: Թշնամանքից մինչեւ սեր ընդամենը կես քայլ անելով՝ Դիանային սիրահարվում ու փորձում է կյանք վերադարձնել նրանից ոչ պակաս վերքերով ու աշխարհից խռոված մի երիտասարդ:
Հոգեբանի ձեռագրով շարադրված նուրբ ու զգայուն սյուժեներով ու երկխոսություններով Լյուգանի հերոսներն անմիջապես հարազատ են դառնում ընթերցողին: Լույս տեսնելուց հետո 10-ը տարվա ընթացքում այս վեպը թարգմանելու հեղինակային իրավունքները ձեռք է բերել 35 երկիր: Վաճառվել է ավելի քան 3,5 մլն օրինակ: Գիրքը հայտնվել է Figaro-ի ամենաընթերցված ֆրանսիացի վիպասանների լավագույն տասնյակում: