Չորեքշաբթի, Ապրիլի 17, 2024

Գրքի մեկնություն

Մարկուս Զուսակ «Գրքի գողը»

անգործուն աստղանգործուն աստղանգործուն աստղանգործուն աստղանգործուն աստղ
 

Մարկուս Զուսակ, «Գրքի գողը», վեպ, թարգմանությունը՝ Անահիտ Ղազախեցյանի, 704 էջ, «Դարակ» հրատարակչություն, 2022թ.:

Ավստրալիացի գրող Մարկուս Զուսակի վեպն է՝ գրված 2006 թվականին։ Գտնվել է «Նյու Յորք Թայմսի ամենաշատ վաճառված գրքերի ցանկ»-ում ավելի քան 230 շաբաթ։ Համանուն ֆիլմը էկրանավորվել է 2013 թվականին՝ Բրայան Պերսիվալի կողմից։ Գլխավոր դերում հանդես է եկել 13-ամյա Սոֆի Նելիսը։

Դեպքերը զարգանում են նացիստական Գերմանիայում՝ սկսված 1939-ի հունվարից։ Վեպի իրադարձությունները պատմում է Մահը։ Գլխավոր հերոսուհին 9-ամյա Լիզել Մեմինգերն է։ Նա դժվար ճակատագիր է ունենում. նրա հայր, ում անհայտ պատճառներով համարում էին կոմունիզմի հետ կապ ունեցող անձ, անհետ կորչում է, իսկ մայրը՝ չկարողանալով խնամել փոքրիկ դստերն ու որդուն, որոշում է երեխաներին հանձնել խնամակալներին։ Ճանապարհին մահանում է տղան, ում հուղարկավորում են գերեզմանատանը, որտեղ եւ Լիզելը գտնում է իր կյանքի առաջին գիրքը՝ «Հրահանգներ գերեզմանափորերին»…

Սյուժեն կառուցված է անսովոր կերպով. այն պատմվում է Մահվան կողմից, ով ըստ հեղինակի, տղամարդ է։ Մահն իրենից ներկայացնում է բավական անորոշ կերպար, երբեմն վեպում նրա ներկայությունը կարեւոր դեր է խաղում։ Մահը պատմում է իր ոչ այնքան հեշտ գործունեության մասին եւ վեպում կատարվող դեպքերի վերաբերյալ հաճախ է տալիս սեփական մեկնաբանությունները։

Ստեղծագործությունը բաժանված է 10 մասի, որից յուրաքանչյուրն ունի իր անվանումը։ Ամփոփիչ՝ տասներորդ մասը անվանված է նույնկերպ, ինչ հենց գիրքը՝ «Գրքի գողը»։

Ռազմավարական եւ ազգային հետազոտությունների հայկական կենտրոն

ՀՀ, Երևան 0033, Երզնկյան 75

Հեռ.՝

+374 10 528780 / 274818

Էլ. փոստ՝

info@acnis.am

Վեբկայք՝

www.acnis.am

Հոդվածագիրների տեսակետները կարող են չհամընկնել ՌԱՀՀԿ դիրքորոշումներին:

Արտատպման դեպքում հղումը «ACNIS ReView. Հայացք Երեւանից» օնլայն-հանդեսին պարտադիր է: