«Ուկրաինայում ժողովուրդը մերժեց հին համակարգը, ունեցան հեղափոխական վիճակ՝ ընդ որում զոհերով, բայց ժողովուրդը չկարողացավ տեր կանգնել իր հեղափոխությանը, օլիգարխիան տիրացավ դարձյալ այդ իրավիճակին»: ԳԱԼԱ-ի հետ զրույցում ասաց քաղաքագետ Մանվել Սարգսյանն՝ ավելացնելով՝ «միակ դրականն այն էր, որ ընտրություններով այս անգամ հնարավոր եղավ փոխել համակարգը»:
Համեմատելով այս իրավիճակը Հայաստանի հետ՝ Մանվել Սարգսյանը շարունակեց, որ Հայաստանում հիմա պետք է արվեն քայլեր, որ չկրկնվի ուկրաինական մոդելը. «Մենք ունեցել ենք քրեաօլիգարխիա՝ ֆեոդալական համակարգով, դա վերացվեց, բայց հարց է ծագում՝ նոր ինստիտուտները կա՞ն արդյոք: Ընտրությունների ինստիտուտը, այո, վերականգնվեց: Բայց չկան «գարանցիաներ», պետք են «գարանցիաներ», որ օլիգարխիան չի վերադառնա եւ չի գրավի պետական համակարգը»: