Thursday, 01 October 2020

C Center in the Press

«Պոչը» կտրված չէ․ Արցախում հանրության կողմից իշխանության փոփոխության պահանջ կա (1in.am)

Star InactiveStar InactiveStar InactiveStar InactiveStar Inactive
 

Դեկտեմբերի 14-ին մի շարք կադրային վերադասավորություններ են տեղի ունեցել Արցախում, մասնավորապես Արցախի նախագահ Բակո Սահակյանի հրամանագրով աշխատանքից ազատվել է Արցախի պաշտպանության նախարար Լևոն Մնացականյանը և նշանակվել է ԱԻՆ պետ: Թեմայի շուրջ «Առաջին լրատվական»- ի հետ զրույցում ՌԱԱՀԿ տնօրեն Մանվել Սարգսյանը նշեց, որ Արցախում արդեն մի քանի ամիս առաջ եղել են ուժային կառույցների ղեկավարների փոփոխություններ, այսինքն՝ փոփոխությունների մի փուլ ավարտվել էր, որոնք կապված էին Հայաստանում տեղի ունեցած փոփոխությունների հետ, փոխվել են նաև ադմինիստրատորներ, այժմ փոփոխությունների երկրորդ փուլն է:

«Ռեակցիան աղմկոտ էր: Հետընտրական ֆոնին շատ շահարկվեց Արցախի հարցը, և հանրությունը ինտրիգ տեսավ դրանում: Իրականում է փոփոխությունների երկրորդ ալիքը շարունակական կլինի, որովհետև Արցախում հանրության կողմից իշխանության փոփոխության մեծ պահանջ կա: Այդ փոփոխությունները պետք է լինեին դեռ ապրիլյան պատերազմից հետո. հանրության մեջ առաջին անգամն է, որ մեծ դժգոհություն կա բանակի հրամանատարությունից: Այս ամենը հաշվի առնելով՝ բնական է, որ դրական փոփոխություններ կլինեին, և էական է, որ մեծ համբավ և մեծ հարգանք ունեցող սպաներ են նշանակվել: Արցախում պայքարում էին այդ փոփոխությունների համար, շատերը կարծում են, որ ռեժիմի գլուխը Հայաստանում էր, պոչն Արցախում, և պոչի հետ այլևս չեն ուզում հաշվի նստել»: Քաղաքագետի խոսքով՝ Հայաստանում և Արցախում միասնական իշխանական բուրգ էր, այժմ Հայաստանից չկա աջակցություն, ինչպես նախկինում: Նրա դիտարկմամբ՝ Արցախում գործող կադրային կազմը որևէ ազդեցություն չունի բնակչության վրա, ինչը շատ վտանգավոր է, մարդիկ արհամարհում են այդ պաշտոնյաներին, և անհրաժեշտ էր, որ նշանակվեին հարգանք վայելող կադրեր:

Հարցին՝ հնարավո՞ր է Արցախում արտահերթ խորհրդարանական ընտրություններ լինեն, թե ոչ, Մ. Սարգսյանը պատասխանեց, որ շատերն ուզում են, որ Արցախի նախագահը փոխվի՝ ինքնակամ հեռանա, և խորհրդարանի կողմից նշանակվի նոր նախագահ, իսկ խորհրդարանական ընտրությունները լինեն 2020-ին:

Մանրամասն՝ տեսանյութում:

https://www.1in.am/2479197.html

The Armenian Center for National and International Studies

Yerznkian 75, 0033
Yerevan, Armenia

Tel.:

+374 10 528780 / 274818

Website:

www.acnis.am

  

The views of the authors do not necessarily reflect those of the Center.

While citing the content, the reference to "ACNIS ReView from Yerevan” is obligatory.