Արփի Վանյան, «Ինչպես հարստանալ. Ճանապարհորդություն դեպի իրական հարստություն», գիտահանրամատչելի, 128 էջ, «Եգեա» հրատ., 2024թ.:
«Ինչպես հարստանալ. Ճանապարհորդություն դեպի իրական հարստություն»… Չէ՛, դու չես ծնվել աղքատի մտածողությամբ ու չէ՛, միայն բախտավորը չէ, որ հարստանում է։ Ամեն մարդ կարող է հարստանալ: Ուրեմն ինչո՞ւ ես շարունակում ապրել ոչ քո երազած կյանքով։
Այս գիրքը միայն փողի մասին չէ։ Սա քո ներսի սահմանափակումները հաղթահարելու, քո մտածողությունը վերափոխելու գործիք է։ Քոուչինգային մեթոդներ, հոգեբանական վարժություններ, կոնկրետ քայլեր։ Ինչպե՞ս հարստանալ՝ սկսելով հենց այսօր։ Ոչ թե պատահական ձեւով, այլ՝ համակարգված, վստահ ու հիմնավոր։
Դադարեցրու սպասել պատահականությանը։ Վերցրու գործիքները, աշխատեցրու միտքդ ու փոխիր իրականությունդ։ «Ինչպես հարստանալ» գիրքը ճանապարհ է դեպի քեզ։
Այս գիրքը ձեր ուղեցույցն է դեպի մի աշխարհ, որտեղ հարստությունը չափվում է ոչ միայն նյութական արժեքներով, այլեւ հոգեւոր, հուզական ու մտավոր առատությամբ: Այն Ձեր առջեւ կբացի հաջողակ մարդ լինելու գաղտնիքները եւ կօգնի հասկանալ, որ իրական հարստությունը սկսվում է մեր ներսում: