Tuesday, 20 August 2019

B Book Review

Մարիամ Մարգարյան, «Քաղաքական արդիականացման հրամայականները Հայաստանի Հանրապետությունում»

Star InactiveStar InactiveStar InactiveStar InactiveStar Inactive
 

Մարիամ Մարգարյան, «Քաղաքական արդիականացման հրամայականները Հայաստանի Հանրապետությունում», մենագրություն, 2019թ.:

Հեղինակը համակողմանիորեն ուսումնասիրել է քաղաքական արդիականացման քաղաքակրթական չափումը՝ որպես ռազմավարական կառավարման ապահովման հիմք: Հիմնավորված է այն մոտեցումը, որ «թավշյա հեղափոխության» հաղթանակից հետո ՀՀ քաղաքական համակարգի բնականոն արդիականացման գործընթացի իմաստավորումը պահանջում է իրականացնել գիտավերլուծական կառավարում՝ հենվելով համախմբագիտության սկզբունքների վրա:

Ելակետային այս դիրքորոշմամբ վերարժեւորված է հայ քաղաքական մտքում ձեւավորված եւ ժամանակի մարտահրավերներին դիմակայած «Հոգեւոր Հայաստանի» գաղափարը: «Հոգեւոր Հայաստանի» գաղափարն այն տեսլականն է՝ արժեքաբանական ուղենիշը, որը կարող է դառնալ քաղաքական ինստիտուտների կառավարման ոգեղենությունն ապահովող խթան: Հայկական քաղաքակրթության կենսունակության բարձրացման առումով հիմնավորված է Գրիգոր Նարեկացու գոյաբանական եւ իմացաբանական հայեցակարգերի այժմեականացման հրամայականը:

Հեղինակը համոզված է, որ նմանoրինակ մոտեցմամբ Հայաստանի Հանրապետությունը, քաղաքական արդիականացման արդի հրամայականներին համահունչ, կկարողանա ինքնորոշվել եւ կառուցել ժողովրդավարական, ինքնիշխան, սոցիալական, իրավական պետություն՝ Տունը Հայոց:

Մենագրությունը նախատեսված է քաղաքական գործիչների, քաղաքական վերլուծաբանների ու փորձագետների, ՀՀ պետական կառավարման ակադեմիայի եւ ՀՀ այլ բուհերի ուսանողների, ասպիրանտների, դասախոսների, ինչպես նաեւ քաղաքացիական ակտիվ դիրքորոշում ունեցող երիտասարդության համար:

The Armenian Center for National and International Studies

Yerznkian 75, 0033
Yerevan, Armenia

Tel.:

+374 10 528780 / 274818

Website:

www.acnis.am