Մարկ Ֆիշեր, «Միլիոնատիրոջ գաղտնիքները», գիտահանրամտչելի, անգլերենից թարգմանությունը՝ Նոնա Դավթյանի, 232 էջ, «Անտարես» հրատ., 2025թ.:

Գիրքը ինքնահաղթահարման մասին է, առանց որի անհնար է իրականություն դարձնել ամենանվիրական երազանքներն ու ցանկությունները։

Բարդ, հակասություններով լի ու անկանխատեսելի է ինքնահաղթահարման ճանապարհը. որքան էլ կարեւոր է ուսուցչի դերը, այնուամենայնիվ, սեփական կամքն ու համառությունը ամենաորոշիչն են։

Տարօրինակ միլիոնատիրոջ եւ ինքն իրեն արժեւորել փորձող հերոսի՝ մոգական երանգներով հանդիպումները աստիճանաբար բացահայտում են երազանքն իրականություն դարձնելու հոգեբանական հնարքներն ու գաղտնիքները:

Այս գրքի շնորհիվ դուք կիմանաք՝ ինչպես խարիզմայի միջոցով հասնել նպատակներին ոչ միային բիզնեսում, այլեւ կյանքում։